Hindi Poems and Gazals by Poet Anima Rai




Joys of India

The Destinations

Interactive India

Maps of India

India Weather

Join Our Newsletter
E-mail:
 Subscribe     Unsubscribe
List to subscribe to:



India mini .gifHindi Poemsmini .gifAnima Rai

Hindi Poems and Gazals by Anima Rai

(Hindi Gazal)
Hindi poems by Anima Rai

mujhe dushman bana liya usne
sarerah daman choodaa liya usne

hamare dilon jazbat ki kimat
uske liye kuch bhi nahi
hamari kahe kisi baat ki kimat
uske liya kuch bhi nahi
dil tootne ka jashn mana liya usne
sarerah daman chuda liya usne

meri pyaari si mulakat ki kimat
uske liye kuch bhi nahi
meri kasko se bhari raat ki kimat
uske liye kuch bhi nahi
mujhe roola kar param santosh paa liya usne
sarerah daman choodaah liya usne

meri ishq or husan ki barat ki kimat
uske liye kuch bhi nahi
meri bavafai ki saugat ki kimat
uske liye kuch bhi nahi
dil garon pe luta liya usne
sarerah daman choodaa liya usne

meri dil pe lagi aaghat ki kimat
uske liye kuch bhi nahi
meri palkon se hui barsaat ki kimat
uske liye kuch bhi nahi
har bar naya bahana bana liya usne
sarerah daman choodaa liya usne

mere bikhre-bikhre se halat ki kimat
uske liye kuch bhi nahi
mere darde mazmoon khayalat ki kimat
uske liye kuch bhi nahi
mujhe chod kahin or aashiyana bana liya usne
sarerah daman choodaa liya usne.

                                     Anima  Rai

DEHARI (Poem)

Dehari par har saanjh diye jalati hoon
fir bhi hirdey mein andhera hee pati hoon

kash koi sun pata hamari vedana
koi samajh pata hamari vyatha
chat-vichat lahuluhan tamannao ko
pashan khadi niharti hoon

Dehari par har saanjh diye jalati hoon
fir bhi hirdey mein andhera hee pati hoon

swachand pakheru udne ki chahat le
aparibhashit karuna se bhar jaata man
pida ban chalak jaata nayan ko
stabdh vimud khadi nihariti hoon

Dehari par har saanjh diye jalati hoon
fir bhi hirdey mein andhera hee pati hoon

bilakhti si soonti hoon aarjuoon ko apni
dard arpit karti tan-man ko
udwelit hoti antarman ko
vyathit kasmasati khadi niharti hoon

Dehari par har saanjh diye jalati hoon
fir bhi hirdey mein andhera hee pati hoon.

                               Anima  Rai

 

GHAZAL

 

Annu Anima Rai Poetess

dil par jo chot kiye tumne vo khanjar abhi baki hain
yadoon ke hozom ka ek manzar abhi baki hain

tod diya gar tumne hamare aasheyane ko
ghar basane ko aur kitne shahar abhi baki hain

chal padi teergi mein akeli tanha-tanha
manzil paane ke kai safar abhi baki hain

chod aayi jise mein bite waqt ke galiyare mein
samne na aa jaye vo wajood ye dar abhi baki hain

pyaar ko khel samajkar bhavnao se khelne wale
tumhare diye zakhm ka zahan pe asar abhi baki hain

tut nahi sakta karvaan kisi ek ke chale jaane se
rah-e-guzar mein hamare liye kitne ghar abhi baki hain

tumne hamare ulfat ko badnami ka sila diya
zamane waloon mein hamari kadar abhi baki hain

dooba diya kisti tumne dariya ki pehle lahroon mein
zindagi mein kitne aise bhavar abhi baki hain

tumhe milta raha hain sukh hamain gam dekar
jam-e-gam to pila diya pilane ko zahar abhi baki hain

abhi to bas ek sailab ne loota hain hame
samander mein tufano ke aise kitne kahar abhi baki hain.

                                     Anima  Rai

ZINDAGI (Hindi Poem)
Soulful Gazal by Anima Rai

hare huye hatash zindagi se ab tran de do
har mans ke but mein ab pran de do

man panchi unmukt gagan mein
vicharne ko hai taiyar
akanshaoon mein meri ab jan de do
har mans ke but mein ab pran de do

suman ban kar gaaoongi
nit suprabhat ke gan
mere naam bhi swarnim ek vihan de do
har mans ke but mein ab pran de do

kat gayi zindagi hamari
aadhi adhoori bikhari si
baki bachi zindagi mein ek pehchan de do
har mans ke but mein ab pran de do

har pal choonoti swikarti chaloon
kuch kasak reh na jaye baki
hauslon ko meri ek udaan de do
har mans ke but mein ab pran de do

zindagi ka karwan chalta rahe khusi si
na gila rahe kisi zamane waloon se
bhavnao ko meri vistrit aasman de do
har mans ke but mein ab pran de do.

 

                               Anima  Rai

Click for more poems by Poet Anima Rai, Page 1, Page 2.

 

Valid CSS!Valid XHTML 1.0 TransitionalIndian Hotels | India News | Real Estate | New Pages | Advertise With Us | Site Map | Website By
Copyright © 2008 - 2012 TIG India Travel | Privacy Policy